 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дзе з турмою, дзе з тугою –
празь няроўны шлях.
Ад пад’ёмаў і адбояў
сэрца у рубцах.
Той налева, той направа –
сыцейша б куцьця.
А паэт шукае праўды
за цану жыцьця.
I для твараў, і для маскаў
дарам шчодрых жмень
ён гатоў асыпаць ласкай
свой апошні дзень...
У цярпеньні, бы ў прадоньне
кінуты, ідзе.
У натруджаных далонях –
сэрца для людзей.
Зводзіць дзень канцы з канцамі...
Б’е яму ў дакор
клоун-месяц бубянцамі
бесканечных зор...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
